ეკომეგობრული განვითარების დაჩქარება: ცნობიერების ამაღლება და ნარჩენების მდგრადი მართვის ხელშეწყობა

2024 წლის ივლისში ესტონეთის საგარეო საქმეთა სამინისტროს მხარდაჭერით „ეკო ცენტრმა“ დაიწყო ახალი პროექტი: „ეკომეგობრული განვითარების დაჩქარება: ცნობიერების ამაღლება და ნარჩენების მდგრადი მართვის ხელშეწყობა.“

პროექტს აქვს ორი მთავარი მიზანი:

მიზანი 1: ნარჩენების მდგრადი მართვის პრაქტიკის ხელშეწყობა;

მიზანი 2: გარემოსდაცვითი ცნობიერების ამაღლება და სამოქალაქო ჩართულობის გაუმჯობესებისთვის უნარების გაძლიერება.

პროექტის შედეგად:

1. გაიზრდება ნარჩენების დახარისხებაში ჩართული ადამიანების რაოდენობა და რუსთავის მწვანე საფარი.
2. გაფართოვდება გარემოსდაცვითი საკითხების შესახებ ინფორმირებული ადამიანების ქსელი და გაუმჯობესდება მათი კომუნიკაციის უნარები.

პროექტის ფარგლებში განხორციელებული აქტივობები:

1. ქაღალდის ნარჩენების შეგროვების პუნქტის ფუნქციონირება
2. ტრენინგი მოსწავლეებისა და სტუდენტებისთვის გარემოსდაცვითი გამოწვევების შესახებ
3. საინფორმაციო შეხვედრები რუსთავის 5 სკოლაში
4. კამპანია: მაკულატურა რუსთავის ჭალის ტყის აღდგენისთვის
5. ტრენინგი Canva-ში ვიზუალური მასალების შექმნაზე და მოკლე მასტერკლასი Gmail-ის გამოყენების შესახებ
6. ფრინველებზე დაკვირვების ტური რუსთავის ჭალის ტყეში